Tuesday 3rd August 2021

    तारकेश्वर नगरपालिका वडा नम्बर १ मा रुखलाई चौतारोका रुपामा परिणत    सकारात्मक सोचले नै समाजसेवा गर्न मानिसलाई प्रेरित गर्दछ: राधेश्याम मिश्र (अध्यक्ष, वातावरण मैत्री समाज)    गीतकार खनालको मौलिक तीज गीत ‘छोरीको करिम’ सार्वजनिक    नेपाल चलचित्र तथा कलाकार श्रमिक संगठन (फावन नेपाल) को पाँचौ अधिवेशन नयाँ नेतृत्व चयन गर्दै सम्पन्न    तेश्रो नेपाल कल्चरल फिल्म फेष्टिवको मनोनयन सार्वजानिक

सरकारले सिटामोल उत्पादन सुरु गर्‍यो

Wednesday, February 28, 2018 National Power

१६ फागुन,काठमाडौं–सरकारले सोमबारदेखि सिटामोलको उत्पादन सुरु गरेको छ । सरकारी स्वामित्वमा रहेको नेपाल औषधि लिमिटेडले सोमबारदेखि सिटोमोलको व्यवसायिक उत्पादन सुरु गरेको हो । गत असोजमै सिटामोल उत्पादन गर्ने भनिएको थियो । आवश्यक सामग्री बन्दोबस्त गर्न नसक्दा तोकिएकै मितिमा सिटामोल उत्पादन गर्न नसकिएको लिमिटेडका महाप्रबन्धक डा। रोभस कुशम सुवेदीले जानकारी दिए ।

एउटा ब्याचमा ३ लाख २० हजार युनिट टयाब्लेट उत्पादन गर्ने लक्ष्य लिइएको छ । परीक्षण कालमा भने एउटा ब्याचमा ८० हजार मात्रै टयाब्लेट उत्पादन हुने पनि महाप्रबन्धक सुवेदीले स्पष्ट पारे ।  लिमिटेडले गत वर्षदेखि जीवनजलको उत्पादन पुन सुरु गरिसकेको छ । १० लाख युनिट टयाब पुगेपछि मात्रै बजारमा पठाउने योजना छ ।

सिटामोलको माग धान्न नसक्ने भएकाले पनि तत्काल बजारमा पठाउने अवस्था नरहेको महाप्रबन्धक सुवेदीले बताए । नेपालमा आधुनिक औषधि उत्पादन सरकारबाटै गर्ने उद्देश्यका साथ नेपाल औषधि लिमिटेडको स्थापना २०२९ सालमा भएको थियो । बन्द हुनुपूर्व लिमिटेडले १ सय २० प्रकारका औषधि उत्पादन गर्दै आएको थियो ।