Monday 12th May 2025

    राष्ट्रिय दोहोरीगीत आइडल हुने, विजेताले नगद र मोटरसाइकल पाउने    निम अवार्ड २०२५ को सफल समापन पछि धन्यवाद तथा आभार कार्यक्रम सम्पन्न    १६ औं संस्करणको प्रिज्माडि सिने अवार्ड मनोनयनमा सार्वजनिक    १२ औं म्यूजिक खबर म्यूजिक अवार्डको उत्कृष्ट पाँचको मनोनयन सार्वजनिक    कला, संघर्ष र सपनाको संगम- मोडल तथा डान्सर श्री स्वस्थानी तामाङको प्रेरणादायी यात्रा

पोखराबाट पक्राउ परेका सिउनलाई कोरिया इन्टरपोलको जिम्मा लगाइयो

Sunday, February 25, 2018 National Power

१३ फागुन, काठमाडौं –  पोखराबाट पक्राउ परेका कोरियाका मोस्ट वान्टेड अपराधी सिउन ओन लीलाई शनिबार राति कोरिया डिपोर्ट गरिएको छ । लीलाई पोखरा प्रहरीले ३ फागुनमा पक्राउ गरेको थियो । उनी अन्तर्राष्ट्रिय प्रहरी संगठन ९इन्टरपोल० ले रेड कर्नर नोटिस जारी गरेको अपराधी हुन् ।

अध्यागमन विभागका निर्देशक कोशहरि निरौलाले उनलाई डिपोर्ट गरिएको पुष्टी गरे । ‘इन्टरपोलका अधिकारीहरुको रोहबरमा डिपोर्ट गरिएको हो’, उनले अनलाइनखबरसँग भने । स्रोतका अनुसार लीलाई लिन कोरियन इन्टरपोलका एक जना अधिकारीसहित थप दुई जना ‘डिटेक्टिभ एजेन्ट’ नेपाल आएका थिए ।

कोरियन इन्टरपोलको लिन्योग लीको नेतृत्वमा आएको टोलीले सिउनलाई शनिबार राति साढे ८ बजे कोरियन एयरलाइन्सको फ्लाइटबाट कोरिया लगेका छन् । नेपालस्थित इन्टरपोलको कार्यालयकी प्रमुख किरण बज्राचार्यका अनुसार सिउन आर्थिक ठगी मुद्दामा सन् २०१६ देखि खोजी सूचीमा थिए । साथै, उनी लागूऔषध कारोबारी समेत भएको स्रोत बताउँछ ।

उनी विभिन्न मुलुकका प्रहरीलाई छक्याउँदै नेपालसम्म आइपुगेका थिए ।