Tuesday 22nd June 2021

    उपत्यकाको निषेधाज्ञा : निजी सवारीमा जोर बिजोर, बारअनुसार पसल खुल्ने    इरान र विश्वका ६ शक्ति राष्ट्रबीचको वार्ता स्थगित    राइफलको गोली लागेर सेनाका जवान गम्भीर घाइते    बाढी र पहिरोमा परी एक सातामा १७ जनाको मृत्यु    मुस्ताङको भिडियो ट्वीट गर्दै डब्ल्यूएचओका महानिर्देशकले गरे स्वास्थ्यकर्मीको प्रशंसा

अन्तत: एमाले र माओवादीबीच पार्टी एकताको सहमति भयो, आजै हस्ताक्षर हुने संकेत

Monday, February 19, 2018 National Power


७ फागुन, काठमाडौं – अन्ततः नेकपा एमाले र माओवादी केन्द्रबीच पार्टी एकताको लागी सहमति जुटेको छ । नेताहरुका अनुसार आजै सहमति पत्रमा हस्ताक्षर हुनसक्नेछ ।

प्रधानमन्त्री एवं एमाले अध्यक्ष केपी ओली र माओवादी अध्यक्ष प्रचण्डबीच भएको ‘वान टु वान’ वार्तामा पार्टी एकताको सहमति जुटेको वताईएकोछ। स्रोतका अनुसार दुई नेताबीच पार्टीको नाम, नेतृत्व र बैचारिक राजनीतिक विषयमा सहमति जुटेको छ ।

पार्टीको नाम ‘नेपाल कम्युनिष्ट पार्टी’ रहनेछ भने ओली र प्रचण्ड दुबै अध्यक्ष रहनेछन् । सहअध्यक्ष वा द्वि-अध्यक्ष के भन्ने पार्टी एकता संयोजन समितिले टुंगो लगाउनेछ ।

जनताको बहुदलीय जनवाद, २१ औं सताब्दीको जनवाद, माओवाद लगायतका वैचारिक राजनीतिक विषयलाई बहसमा लैजान दुबै नेता सहमत भएका छन् ।

दुई नेताबीच भएको सहमतिलाई अन्तिम रुप दिन साँझ ७ बजे पार्टी एकता संयोजन समितिको बैठक बोलाइएको छ । तलमाथि नभएको खण्डमा भने आजै सहमती पत्रमा हस्ताक्षर हुने सक्ने माओवादी श्रोतले वताएकोछ ।

एमाले उपाध्यक्ष बामदेव गौतमले पनि दुई नेताबीच पार्टी एकताको सहमति जुटेको पुष्टि गरेका गर्दै उनले समाचार माध्यमहरुसँग भने, ‘दुई अध्यक्षबीच सहमति भयो । त्यसलाई आजै एकता संयोजन समितिले अनुमोदन गर्छ ।‘