Tuesday 3rd August 2021

    तारकेश्वर नगरपालिका वडा नम्बर १ मा रुखलाई चौतारोका रुपामा परिणत    सकारात्मक सोचले नै समाजसेवा गर्न मानिसलाई प्रेरित गर्दछ: राधेश्याम मिश्र (अध्यक्ष, वातावरण मैत्री समाज)    गीतकार खनालको मौलिक तीज गीत ‘छोरीको करिम’ सार्वजनिक    नेपाल चलचित्र तथा कलाकार श्रमिक संगठन (फावन नेपाल) को पाँचौ अधिवेशन नयाँ नेतृत्व चयन गर्दै सम्पन्न    तेश्रो नेपाल कल्चरल फिल्म फेष्टिवको मनोनयन सार्वजानिक

आठ गोलको थ्रिलरमा रियल विजयी, बार्सामा एथ्लेटिकोको दबाब कायम

Monday, February 19, 2018 National Power

७ फागुन,  म्याड्रिड – मार्को असेन्सियोको दुई गोलको मद्दतले आठ गोलको थ्रिलरमा रियल म्याड्रिडले रियल बेटिसलाई हराउँदै ला लिगामा लगातार तेस्रो जीत निकाल्न सफल भएको छ । जिनेदिन जिदानको टोलीले एसेन्सियोको गोलको मद्दतले खेलको ११ औँ मिनेटमा नै अग्रता लिएको थियो ।

तर, त्यसपछि खेलमा नियन्त्रण राख्दै घरेलु टोली रियल बेटिसले एसिया मान्डीको गोलको मद्दतले खेलमा फर्कियो । पहिलो हाफको अन्त्यतिर नाचोले आत्मघाती गोल गरेपछि बेटिसले अग्रता लियो । दोस्रो हाफमा भने सर्जियो रामोशले लुकास भाज्क्वेजको कर्नरमा गोल गर्दै खेल पुनः बराबरी गरे ।

त्यसपछि एसेन्सियो र क्रिस्टियानो रोनाल्डोले गोल गर्दै रियललाई ४–२ को अग्रता दिलाए । तर, अन्त्यतिर सर्जियो लियोनले गोल गरेपछि खेल ४–३ को स्थितिमा पुग्यो तर इन्जुरी समयमा करिम बेन्जेमाले गोल गरेपछि खेल रियलले आफ्नो पक्षमा पार्यो । गत हप्तामा रियलले च्याम्पियन्स लिगमा एक गोलले पछि परेको स्थिति उल्टाउँदै पेरिस सेन्ट जर्मेनलाई ३–१ गोलअन्तरले गराएको थियो । एक खेल कम खेलेको रियल ला लिगाको चौथो स्थानमा सिमित छ । शीर्ष स्थानमा रहेको बार्सिलोनाभन्दा १७ अंकले पछि रहेको छ भने दोस्रो स्थानमा रहेको एथ्लेटिको म्याड्रिडभन्दा १० अंकले पछि परेको छ ।
उता, एथ्लेटिको म्याड्रिडले पनि एथ्लेटिक बिल्बाओलाई हराउँदै बार्सामाथि दबाब कायम राखेको छ । २–० को जीत निकाल्ने क्रममा एथ्लेटिकोका लागि केभिन गामेरियो र डिएगो कोस्टाले एक–एक गोल गरे । एथ्लेटिको आएपछि उनको यो चौथो गोल हो । एथ्लेटिको बार्सिलोनाभन्दा ७ अंकले पछि रहेको छ । अन्य खेलमा भिल्लेरियाल भने एस्पानियोसँग १–१ को बराबरीमा रोकियो भने रियल सोसिडाडले लेभान्तेलाई ३–० गोल अन्तरले पराजित गर्यो ।