Tuesday 3rd August 2021

    तारकेश्वर नगरपालिका वडा नम्बर १ मा रुखलाई चौतारोका रुपामा परिणत    सकारात्मक सोचले नै समाजसेवा गर्न मानिसलाई प्रेरित गर्दछ: राधेश्याम मिश्र (अध्यक्ष, वातावरण मैत्री समाज)    गीतकार खनालको मौलिक तीज गीत ‘छोरीको करिम’ सार्वजनिक    नेपाल चलचित्र तथा कलाकार श्रमिक संगठन (फावन नेपाल) को पाँचौ अधिवेशन नयाँ नेतृत्व चयन गर्दै सम्पन्न    तेश्रो नेपाल कल्चरल फिल्म फेष्टिवको मनोनयन सार्वजानिक

प्रदेश ६ मा मन्त्रालय बाँडफाटः ‘गृह’ माओवादीलाई, आर्थिक मामिला एमालेको भागमा

Sunday, February 18, 2018 National Power

६ फागुन, काठमाडौं – प्रदेश ६ मा एमाले र माओवादीवीच मन्त्रालय भागबण्डा टुंगो लागेको छ । भागबण्डा अनुसार एमालेले आर्थिक मामिला तथा योजना मन्त्रालयसहित चार मन्त्रालय पाएको छ । आर्थिक मामिला तथा योजना मन्त्रालय एमाले र माओवादी दुबैले दावी गरेका थिए ।

एमालेले आर्थिक मामिलासहित भौतिक पूर्वाधार विकास मन्त्रालय, उद्योग, पर्यटन, वन तथा वातावरण मन्त्रालय, भूमि व्यवस्थापन, कृषि तथा सहकारी मन्त्रालय पाएको छ । माओवादीले मुख्यमन्त्रीसहित आन्तरिक मामिला तथा कानून मन्त्रालय र सामाजिक विकास मन्त्रालय पाएको छ । मन्त्रालय भागबण्डा र मन्त्रीहरुको टुंगो नलाग्दा मुख्यमन्त्री महेन्द्रबहादुर शाहीले नियुक्त भएको चार दिन वितिसक्दा पनि मन्त्रिमण्डल बिस्तार गर्न सकेका छैनन् ।

एमालेले अझै मन्त्रीको टुंगो लगाएन

मन्त्रालयको भागबण्डामा कुरा मिले पनि एमालेले अझै मन्त्रीको नाम टुंगो लगाउन सकेको छैन । एमालेले मन्त्रीको टुंगो लगाउन नसक्दा मन्त्रिमण्डल बिस्तारमा अझै ढिलाइ हुने देखिएको छ । एमालेले भागमा परेका चार मध्ये एकजना मन्त्री समेत टुंगो लगाएको छैन । प्रकाश ज्वालालाई मन्त्रिमण्डलमा पठाउने चर्चा चलेपनि उनको नाममा समेत सहमति हुन सकेको छैन । ‘मन्त्रालयको भागबण्डामा सहमति भइसक्यो,’ एमालेका एक सांसदले भने,’मन्त्रालयमाम कसलाई पठाउने भन्ने आन्तरिक छलफल चलिरहेको छ, अहिलेसम्म कसैको नाममा सहमति भएको छैन । एमालेले मन्त्रीको टुंगो लगाए प्रदेश ६ मा आजै मन्त्रिमण्डल विस्तार गर्ने तयारी मुख्यमन्त्री शाहीले गरेका छन् ।