Saturday 31st July 2021

    खिर खाएर साउन १५ मनाइँदै    बागमती प्रदेशका कोरोनाबाट हालसम्म ४ हजार बढीको मृत्यु    जोशी एन.आर.एन.ए अस्ट्रेलियाको चुनाबमा एनएसडब्लु को प्रदेश सहसचिव पद को उमेदवार    एमसिसी बिरुद्ध माईतीघरमा उर्लिए बीर गोर्खाली    शर्लिन चोपडाको बयान–‘शिल्पासँग खुशी थिएनन् राज’

काठ चाहियो भन्दै आएकाहरु द्वारा पौडेलको हत्या

Friday, January 5, 2018 National Power

२१ पुस, रुपन्देही – शुक्रबार विहानै बसन्त पौडेल बलु देवदहमा रहेको आफ्नो फर्निचरमा आगो तापिरहेका थिए । काठको अडर छ भन्दै दुई जना मोटरसाइकलमा आए । उनीहरुमध्ये एकसँग कागजको टुक्रा पनि थिए ।

तर, बलुलाई के थाहा ! ग्राहक बनेर आएका उनीहरुले आफ्नै हत्या गर्छन् भनेर । अर्डर गर्ने नाममा नजिकै पुगेका उनीहरु मध्ये एकले गोली हाने र मोटरसाइकमै भागे ।

घाउको र छातीमा गोली लागेर ढलेका बुललाई तत्काल लुम्बिनी अञ्चल अस्पताल पुर्‍याइयो । तर, निकै नजिकबाट गोली लागेका उनको बाटोमा नै मृत्यु भइसकेको रहेछ ।

हत्यामा मनोजको संलग्नता !

मृतक बलु एमाले क्षेत्रीय कमिटीका अध्यक्ष निलकण्ठ पौडेलका छोरा पनि हुन् । ४० वर्षीय पौडेल दुर्गा तिवारीका साथी पनि हुन्, जसको गत वर्ष हत्या भएको थियो ।

पौडेलमाथि गोली प्रहार भएको केहीबेरमै बुटवलका सञ्चारकर्मीहरुलाई फोन आयो । आफू मनोज पुन भएको र हाल मलेसियामा रहेको भन्दै उनले हत्याको जिम्मा लिए ।

दुर्गा तिवारी हत्याकाण्डमा आफ्ना केटाहरुलाई बलु पौडेलले अनाबश्यक दुःख दिएको र फसाएकोले त्यसको वदलामा हत्या गरेको मनोजको जिकीर गरे ।

मनोज पुन तिनै हुन्, जो तिवारी हत्याकाण्डपछि फरार छन् । व्यवसायी शरद गौचनको हत्यामा पनि उनको संलग्नता देखिएको भन्दै प्रहरीको उनको खोजी गरिरहेको छ ।

बुटबल प्रहरी प्रमुख डीएसपी पवन भट्टराईले भने हत्यामा पुनको संलग्नता प्रष्ट भइनसकेको बताए । उनले भने, ‘यति धेरै सञ्चारकर्मीहरुलाई फोन गरेर हत्याको जिम्मा लिएका छन् भने उनी पनि अनुसन्धानको दायरमा पर्छन् ।’

 

बुटबल र देबदह तनावग्रस्त

घटनापछि युवासंघ रुपन्देही आन्दोलित भएको छ । संघले शुक्रबार नै बुटवलमा २ घण्टा चक्काजाम गरेको छ भने बैठक बसेर थप आन्दोलन घोषणा गर्ने बताएको छ ।

घटनाको सत्यतथ्य अनुसन्धान, हत्यामा संलग्नलाई पक्राउ गरी कारबाही गर्नु पर्ने संघको माग छ ।