Tuesday 3rd August 2021

    तारकेश्वर नगरपालिका वडा नम्बर १ मा रुखलाई चौतारोका रुपामा परिणत    सकारात्मक सोचले नै समाजसेवा गर्न मानिसलाई प्रेरित गर्दछ: राधेश्याम मिश्र (अध्यक्ष, वातावरण मैत्री समाज)    गीतकार खनालको मौलिक तीज गीत ‘छोरीको करिम’ सार्वजनिक    नेपाल चलचित्र तथा कलाकार श्रमिक संगठन (फावन नेपाल) को पाँचौ अधिवेशन नयाँ नेतृत्व चयन गर्दै सम्पन्न    तेश्रो नेपाल कल्चरल फिल्म फेष्टिवको मनोनयन सार्वजानिक

विराटनगर फाइनलमा, ललितपुर दोश्रो क्वालिफायरमा

Wednesday, December 27, 2017 National Power

१२ पुस काठमाडौं -टिभिएस एभरेष्ट प्रिमियर लिग अन्र्तगत आज भएका खेलहरुमा विराटनगर वरियर्स र ललितपुर प्यार्टिओर्सले आ आफ्नो खेलमा जित दर्ता गरेका छन् । जितसंगै विराटनगर फाइनलमा प्रवेश गरेको छ भने ललितपुर दोश्रो क्वालिफायरका लागि छनौट भएको छ ।

आज विहान भएको पहिलो खेलमा टस विराटनगरले भैरहवा ग्लाडियर्टसलाई पराजित गरेको हो । टस हारेर पहिले व्याटिगंको निम्तो पाएको भैरहवाले निर्धारित २० ओभरमा ८ विकेट गुमाएर १२७ रन बनाएको थियो । ८ ओभर भित्रै २७ रन हुँदा महत्वपूर्ण ४ विकेट गुमाएर दवावमा आएको भैरहवाका लागि आरिफ शेख र ओभरसिज खेलाडी पुनित मिश्रले पाँचौ विकेटका लागि ८२ रनको पार्टनरसिप गरेका थिए । शेखले ४६ रन बनाउँदा मिश्रले ४९ रनको योगदान दिएका थिए । शेख र मिश्रले भैरहवाको लागि सम्मानजनक योगफल बनाएपनि त्यो जितको लागि प्रयाप्त हुन सकेन ।

विराटनगरका लागि करण केसी र अक्सु अप्पुहामीले २-२ विकेट लिएका थिए भने पारस खड्का बसन्त रेग्मी र अभिनाष कर्णले १-१ विकेट लिएका थिए ।

जवाफमा १२८ रनको लक्ष्य विराटनगरले १७ ओभरमा २ विकेट गुमाउँदै पुरा गर्यो । उसका लागि ओभरसिज खेलाडी बाबर ह्यायतले ४४ बलमा ५ छक्का र ४ चौकाको मद्दतले ६२ रन बनाए भने कप्तान पारस खड्काले २४ बलमा ४ छक्का र २ चौकाको मद्दले अविजित ४२ बनाए । त्यस्तै अर्का ओभरसिज खेलाडी अंशुमन रथले ३२ बलमा २६ रनको अविजित पारी खेल्दा अर्का ओपनर आसिफ शेख भने शुन्य रनमानै पेवेलियन फर्किएका थिए ।

भैरहवाको लागि हरिशंकर शाह र पुनित मिश्रले १-१ विकेट लिए ।

त्यस्तै आजै भएको इलिमिनेटर खेलमा पोखरा राइनोजलाइ २६ रनले पराजित गर्दै ललितपुर प्यार्टिओर्सले शुक्रबार हुने दोश्रो क्वालिफायरको लागि भैरहवासंगको भेट पक्का गरेको छ । टस हारेर पहिले व्याटिगंका्े निम्तो पाएको ललितपुरले निर्धारित २० ओभरमा ५ विकेट गुमाइ १३८ रन बनाएको थियो । शुरुवात निकै राम्रो गरेको ललितपुरले उस्का मध्यक्रमका व्याट्सम्यानहरु चल्न नसक्दा १३७ रनको मध्यम योगफल बनाएको थियो

ओपनरद्वय शंकर राना र जयकिशन कोल्सावालाले पहिलो विकेटको लागि ६२ रनको साझेदारी गरेका थिए । तर मध्यमक्रमका व्याट्म्यानहरु चल्न नसक्दा ८० रन भित्रै ५ विकेट गुमाउन पुगेको थियो । तर छैटौ विकेटका लागि ओभरसिज खेलाडीहरु दिपेश भण्डारी र सन्नी पाटिल विच ५७ रनको साझेदारी भएपछि ललितपुरले मध्यम योगफल तयार पार्न सफल भयो ।

ओपनर शंकर रानाले ४३ बलमा ५ चौकाको मद्दले ३५ रन बनाउँदा जयशंकर कोल्सावालाले २२ बलमा १ छक्का र ३ चौकाको मद्दतमा २८ रन बनाएका थिए । त्यसपछि ब्याटिगंमा आएका कप्तान ज्ञानेन्द्र मल्ल २, कुशल भुर्तेल ८, सोनु तामागं ० रनमा आउट हँुँदा सन्नी पटेलले अविजित ३८ तथा दिपेश भण्डारीले अविजित १९ रनको पारी खेलेका थिए ।

पोखराका लागि ओभरसिज खेलाडी इस्राउल्लाहले ३ तथा सुसन भारीले २ विकेट लिएका थिए ।

जवाफमा व्याटिगंमा आएको पोखरा कुनै पनि समय खेलमा रहन सकेन । सुरुवात देखिनै लगातार विकेट गुमाएको पोखराका लागि इस्राउल्लाहले सार्वधिक २५ रन बनाएका थिए । २२ बल खेलेका उल्लाहले २ छक्का प्रहार गरेका थिए । पहिलो ओभरदेखिनै लगातार रुपमा विकेट गुमाएको पोखराका लागि दोश्रो ठूलो योगदान १० नम्बरका व्याटिगं गर्न आएका किशोर महतोले दिएका थिए । उनले १३ बलमा ३ चौका र १ छक्काको मद्दतले २३ रन बनाए ।

ललितपुरका लागि सन्दिप लामिछानेले ३ विकेट लिए भने सन्नी पटेल, रसिद खान र पवन सर्राफे समान २-२ विकेट लिए ।
पराजित भएसंगै पोखरा प्रतियोगिताबाट बाहिरिएको छ भने ललितपुरले फाइनल प्रवेशका लागि भोली हुने भैरहवासंगको भेट पक्का गरेको छ ।