१९ मंसिर, कपिलवस्तु – स्थानीय नेताको घरलाई लक्षित गरी दुई वटा बम प्रहार भएको छ । वाणगंगा नगरपालिका वडा नम्बर ५ कोपवा बजार नजिकका स्थानीय कांग्रेस नेता दुनिका भुसालको घरलाई लक्षित गरी गएराति र आज बिहान दुई बम प्रहार भएको हो ।
राति भुसालको घरको सटर अगाडि पेट्रोल बम बिस्फोट भएको थियो । बिस्फोटबाट उनको गाडीमा सामान्य क्षति पुगेको छ । त्यस्तै, आज बिहान फेरी उनकै घर अगाडि रकेड बम फेला परेको ईलाका प्रहरी कार्यालय पिपराका प्रहरी निरीक्षक राजु कार्कीले रातोपाटीलाई जानकारी दिए । बिहान भेटिएको बम नेपाली सेनाको बम डिस्पोजल टोलीले निस्कृय पारेको प्रहरी निरीक्षक कार्कीले बताए । बम भेटिएपछि उनको परिवारसँगै स्थानीय बासिन्दा त्रसित बनेका छन् । बम राख्नेको खोजी भइरहेको प्रहरीले जनाएको छ ।