काली काली लिएर आउदै दुर्गा साउंद

१० मंसिर,काठमाण्डौ – धरान लाहुरे, मनपरेको मान्छे पाउंंदा, पैसा भन्दा सवै मर्ने लगायतका आधुनिक तथा लोक गीतहरुलाई बजारमा ल्याईसकेकी दुर्गा साउंदले एक दर्जन भन्दा बढी चलचित्रहरुमा पनि स्वर दिईसकोकी छन् ।

नेपाली सांगीतीक आकाशमा फरक प्रकृतिको गायन शैलीमा आफुलाई प्रस्तुत गर्ने कोशिसमा रहेकि छन् दुर्गा । के म तिम्रो होईन र, यू टर्न ,डि एप्पल, मधेशी पुत्र,बर्दी, कुईनेटो लगायतका चलचित्रहरुमा उनले आफ्नो स्वर दिईसकेकी छन् ।

अरुको चाप्लुसीमा नभई आफ्नै कलाले अघि बढ्दै गरेकी दुर्गा यति वेला संगीतकारहरुको रोजाईमा पर्ने गर्दछिन । विशेषत आईटम नम्बरको गायनमा अब्बल दुर्गा सास्त्रीय संगीतमा पनि उत्तिकै पारंगत रहेकी छन् ।

आईटम नम्बरका लागि जमेकी दुर्गाले लोक , आधुनिक तथा गजलगीतहरुमा समेत उत्तिकै अब्बल देखिएकी छन् । हाल सालै मात्र रेकर्डिङ सकायर आफ्नो नयाँ लोक आधुनिक गीत काली कालीलाई लिएर उनि छिटै बजारमा आउने भएकि छिन । यो गीत बाट दुर्गा निकै आशावादी देखिएकि छिन् ।