Tuesday 15th July 2025

    “बज्र इको क्लब”लाई अष्ट्रेलियाबाट 'वातावरण संरक्षण पुरस्कार' प्रदान    डिबी र सुनिताले ल्याए रोमान्टिक गीत ‘म त गाउँले ठिटो’    ‘मिस एण्ड मिसेस गुरुङ २०८२’को खोजी सुरु, असार २६ मा पहिलो अडिसन    १५ सदस्यीय कार्यसमिति चयन गर्दै राष्ट्रिय श्रष्टा तथा प्रस्तोता प्रतिष्ठानको दोस्रो वार्षिक साधारणसभा सम्पन्न    Nepal's First Largest International Level Inclusive Music Award.

संविधान बनाएबापत सांसदले पाउने भए स्थायी लोगो

Saturday, October 14, 2017 National Power

२८ असोज, काठमाडौं  – चार वर्षअघि संविधानसभा सदस्य निर्वाचित भएका सभासदले संविधान बनाएबापत विशिष्ठ प्रकारको पहिचान अंकित लोगो पाउने भएका छन् । संविधानसभाबाट संविधान बनाएका सभासदले जीवनभर त्यो लोगो लगाउन पाउनेछन् ।

व्यवस्थापिका संसद् सचिवलायले दोस्रो संविधानसभाका सदस्यलाई लागो दिएर बिदाइ गर्न लागेको हो । बिदाइका लागि शनिबार अपराह्न संसद् भवनमा विशेष बिदाइ बैठक आयोजना गरिएको छ ।

 

शुरुमा सबै सांसदहरुको फोटो सेसन हुनेछ । उनीहरुलाई त्यो फोटो सचिवालयले लेमिनेशन गरेर उपलव्ध गराउनेछ । त्यसपछि उनीहरुलाई संविधान बनाएबापतको लोगो उपलव्ध गराइनेछ । बिदाइ बैठकलाई संसदमा प्रतिनिधित्व गर्ने सबै दलका शीर्ष नेताले सम्बोधन गर्ने कार्यक्रम छ । बैठकपछि सभामुख ओनसरी घर्तीको तर्फबाट संसद् भवन परिसरमै रात्रिभोजको आयोजना गरिएको छ ।

निर्वाचन आयोगले असोज २९ गते समानुपातिकतर्फका उम्मेदवारहरुको मनोनयनको मिति तोकेकाले २८ गते मध्यरातिदेखि रुपान्तरित व्यवस्थपिका संसद् बिघटन हुन लागेको संसद सचिवालयका प्रवक्ता डा।भरतराज गौतमले बताए ।

यसअघि कात्तिक ५ गते संसद् बिघटन हुने भनिएको थियो । तर संविधानले उम्मेदवारी मनोनयनसँगै व्यवस्थापिका संसद भंग हुने भनेकोले समानुपातिक उम्मेदवारी मनोनयनलाई नै आधार बनाइएको सभामुख निकट स्रोतले जनाएको छ ।