१८ भदौ, धनुषा – दुई नम्बर प्रदेशमा आउँदो असोज २ गते हुने स्थानीय तहको चुनावका लागि दलहरुले उम्मेदवार छनौट गरिरहेका छन् । महोत्तरीको बर्दिबासमा वडा अध्यक्षको उम्मेदवार छान्न चुनाव भएको छ । आकांक्षी बढी भएपछि नेकपा एमालेले बर्दिबास नगरपालिकाको वडा नम्बर १ मा अध्यक्ष पदका लागि चुनाव गरी उम्मेदवार छनौट गरेको छ ।
वडाध्यक्ष उम्मेदवारका लागि चार जनाले दाबी गरेपछि शनिबार चुनाव भएको हो । अबेर रातिसम्म सकिएको कुमार भण्डारी उमेद्वार चयन भएको जनाएको छ । वडामा ३४ संगठित सदस्य मध्ये चुनावमा ३२ जनाले मतदान गरेका थिए । जसमा भण्डारीले १३ मत प्राप्त गरेर उमेदवार बनेका हुन ।