लागूऔषधसहित एक युवक पक्राउ

१५ भदौ, लहान – प्रहरीले सिरहाको दक्षिण सीमावर्तीबाट लागूऔषधसहित एक युवकलाई पक्राउ गरेको छ। सिरहा नगरपालिका– १७ माडरबाट मिर्चैया नगरपालिका– ६ का १९ वर्षीय बलमेन्द्र साहलाई पक्राउ गरिएको जिल्ला प्रहरी कार्यालय सिरहाले जनाएको छ। साहको साथबाट ६० थान नाइट्रोभेट ट्याबलेट र ४५ वटा पास्मो प्रोक्सिवान ट्याबलेटसमेत बरामद गरिएको प्रहरीले जनाएको छ। साहलाई लागूऔषध ऐनअन्तर्गत सिरहा जिल्ला अदालतबाट म्याद थप गरी कारबाही अघि बढाइएको प्रहरीले जनाएको छ।