घर नजिकैको सडकको नालीमा एक युवक मृत अवस्थामा भेटिए

१२ भदौ, महेन्द्रनगर – कञ्चनपुर पुनर्वास नगरपालिका– ९ का २४ वर्षीय सुरज सार्की सोमबार बिहान मृत अवस्थामा फेला परेका छन् । इलाका प्रहरी कार्यालय त्रिभुवन बस्तीका प्रहरीले घर नजिकैको सडकको नालीमा सार्कीको शव भेटिएको र मृतकको नाक र मुखबाट रगत बगेको अवस्थामा भेटिएको जनाएको छ । जिल्ला प्रहरी कार्यालय कञ्चनपुरका प्रहरी नायब उपरीक्षक ज्ञानबहादुर सेटीले घटनाको अनुसन्धान भइरहेको जनाएको छ ।