कर्णाली राजमार्गमा पहिरो खस्दा एकको मृत्यु

४ भदौ, कालिकोट – कर्णाली राजमार्गअन्तर्गत कालिका गाउँपालिका–१ को गगनेखोलामा पहिरो जाँदा शनिबार एक जनाको मृत्यु भएको छ। दैलेख चामुण्डा गाउँपालिका घर भई कालिकोटमा व्यापार गर्ने जगत शाहीको मृत्यु भएको जिल्ला ट्राफिक कार्यालय कालिकोटले जनाएको छ । शनिबारदेखि पहिरो गएका कारणले राजमार्ग बन्द रहेको र सो राजमार्ग अवरुद्ध हुदाँ सयौं यात्रु बाटोमा अलपत्र परेका छन्।