महान्यायाधीवक्तामा भण्डारी नियुक्त

२ भदौ, काठमाडौं – महान्यायाधीवक्ता बसन्तराम भण्डारीले पद तथा गोपनियताको सपथ लिएका छन् । राष्ट्रपति विद्यादेवी भण्डारीले शितल निवासमा आयोजित विशेष समारोहमा सपथ ग्रहण गराएकी हुन् । त्यसअघि सरकारको सिफारिसमा राष्ट्रपतिले भण्डारीलाई महान्यायाधीवक्तामा नियुक्त गरेकी थिइन् ।

काठमाडौं महानगरपालिका २६ निवासी वरिष्ठ अधिवक्ता भण्डारीलाई सरकारले गत बुधबार महान्यायाधीवक्ता नियुक्त गर्न राष्ट्रपति समक्ष सिफारिस गरेको थियो । भण्डारीले शुक्रबार कार्यभार सम्हाल्ने तयारी गरेका छन् ।