डोटीमा बाढीपीडितका लागि राहत संकलन

१ भदौ, काठमाडौं – तराईका बाढीपिडितहरुलाई राहत होस् भन्ने उद्देश्यका साथ बुधवार डोटीमा सुरु भएको राहात संकलन अभियानमा ९५ हजार ६३ रुपैयाँ संकलन भएको छ ।

नेपाल पत्रकार महासंघ डोटी शाखा, डोटी उद्योग वाणिज्य संघ, शैलेश्वरी सार्वजनिक यातायात व्यवसायी समिति डोटी र हिमशिखर बहुउद्देश्यीय सहकारी संस्था लिमिटेडको संयुक्त पहलमा गरिएको सो अभियानमा एक सय ५१ जनाले सहयोग दिएका छन । राहत संकलन अभियान बिहीबार पनि जारी रहने नेपाल पत्रकार महासंघ डोटी शाखाका सचिव मोहन शाहीले जानकारी दिए।