ग्याँस लिक भएर आगलागी हुँदा पाँच पसल जले, ३० लाख बराबरको क्षति

३१ साउन, बनेपा – बनेपा नगरपालिकाको नालादोबाटोमा रहेका ५ पसलमा आगलागी हुँदा ३० लाख रुपैयाँ बराबरको क्षति भएको छ । इन्द्रेणी खाजा घरमा ग्यास लिक भएर लागेको आगोले ५ पसलमा क्षति पुर्‍याएको इलाका प्रहरी कार्यालय बनेपाले जनाएको छ ।
आगलागीबाट कुमार श्रेष्ठको इन्द्रेणी खाजा घर, प्रज्वल परियारको सम्झना कलेक्सन कपडा पसल र जयराम मण्डलको न्यू फेन्सी टेलर्समा पूर्ण रुपमा क्षति भएको छ । यस्तै एभरग्रिन होटल र जुजुभाई पोटेको घरमा आंशिक क्षति भएको प्रहरीले जनाएको छ ।
अहिले आगो नियन्त्रण भइसकेको प्रहरीले जनाएको छ भने आगो नियन्त्रणमा भक्तपुरबाट दमकल आएको थियो भने प्रहरी र स्थानीयले आगो निभाउन सहयोग गरेका थिए ।