Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

कोशी बाँधका ढोका तत्काल खोल्न विद्यार्थी संगठनको माग

Tuesday, August 15, 2017 National Power

३१ साउन, काठमाडौँ – संयुक्त विद्यार्थी संगठनले कूटनीतिक पहलबाट कोशी बाँधका ढोका तत्काल खोल्न सरकारसँग माग गरेको छ ।

छ विद्यार्थी संगठनको बैठकले बाढीपीडितलाई तत्काल उद्धार तथा राहत उपलब्ध गराउन र कोशी बाँधका ढोका खोल्ने कुटनीतिक पहल गर्न प्रधानमन्त्री शेरबहादुर देउवालाई ज्ञापनपत्र बुझाउने निर्णय गरेको अनेरास्ववियु अध्यक्ष नवीना लामाले बताइन् ।
यसैगरी बैठकले बाढीपीडितलाई राहतका लागि मृतकका परिवारलाई सरकारले दिने भनेको रु दुई लाख र घरविहीन भएका परिवारलाई रु १० लाख उपलब्ध गराउन पनि सरकारसँग माग गरेको छ ।

यस्तै बैठकले सांसद् र स्थानीय तहका जनप्रतिनिधिहरुले एक महिनाको तलब तथा राष्ट्रसेवक कर्मचारीबाट एक हप्ताको तलब नेपाल सरकारको राहत कोषमा उपलब्ध गराउन अपिल गर्ने निर्णय समेत गरेको छ । यसैगरी विद्यार्थी संगठनहरुतर्फबाट रु तीन लाख ५० हजारको राहत कोष निर्माण पनि गरिएको नेपाल विद्यार्थी संघका उपाध्यक्ष पुष्पकुमार शाहीले जानकारी दिए ।