लेक लागेर वडाध्यक्षको मृत्यु

२२ साउन, बाजुरा – बाजुराको बडिमालिका तीर्थयात्रा जाने क्रममा शनिबार राति अछामको मेल्लेख गाउँपालिका– ५ का वडाध्यक्ष रामबहादुर बोहराको ज्यान गएको छ ।
वडाध्यक्ष बोहराको लेक लागेर शनिबार राति ८ः३० बजे बाटामा ज्यान गएको जिल्ला प्रहरी कार्यालय अछामले जनाएको छ।
बोहराको शव हेलिकप्टरको सहायताले अछाम ल्याउन पहल भइरहेको छ । गत असार १४ स्थानीय तह निर्वाचनमा नेपाली काँग्रेसबाट निर्वाचित बोहरा तरुण दल अछामका उपाध्यक्षसमेत थिए ।