सेनाका सिपाही भट्टराई मृतावस्थामा फेला

१५ साउन, बनेपा – नेपाली सेनामा कार्यरत एक सिपाही शनिबार मृतावस्थामा फेला परेकी छिन् । काभ्रेपलाञ्चोकको बनेपा–१० जनागालस्थित मामाघरदेखि झण्डै ४०० मिटर टाढाको जंगलमा २२ वर्षीया विमला भट्टराई मृतावस्थामा फेला परेको जिल्ला प्रहरी कार्यालय धुलिखेलले जनाएको छ।

काठमाडौँको सुन्दरीजलमा नेपाली सेनामा कार्यरत भट्टराई विवाह भएको तीन महिनापछि नै श्रीमानसँग अलग भएर बस्दै आएको प्रहरीले जनाएको छ ।उनी शनिबार बिहानैदेखि हराएको र बेलुका ५ बजे उनको शव फेला परेको उल्लेख गर्दै घटनाको अनुसन्धान भएपछि वास्तविकता खुल्ने प्रहरीले बताए । उनी बिहीबार मामाघर आएकी थिइन् ।