भरुवा बन्दुकसहित दुई जना पक्राउ

१४ साउन, ताप्लेजुङ – प्रहरीले ताप्लेजुङमा भरुवा बन्दुकसहित दुई जनालाई पक्राउ गरेको छ ।ताप्लेजुङ सिरिजङघा गाउँपालिका– ५ बस्ने २८ वर्षीय सनकुमार मावो र सोही गाउँपालिका ८ घर भई वडा नम्बर ५ मा डेरा गरी बस्ने २२ वर्षीय छिरिङ शेर्पा २ थान भरुवा बन्दुकसहित पक्राउ परेका हुन् । भरुवा बन्दुक बोकेर हिँडिरहेको अवस्थामा इलाका प्रहरी कार्यालय तेल्लोकको गस्ती टोलीले उनीहरुलाई समातेको हो । पक्राउ परेका दुवै जनाको अनुसन्धान भइरहेको जनाएको प्रहरीले जनाएको छ ।