१२ साउन, कञ्चनपुर – कञ्चनपुरको पुनर्वासमा रहेको एक होटलमा आगलागी हुँदा ५० लाख रुपैयाँ बराबरको क्षति भएको छ । बिहीबार बिहान विद्युत सर्ट भएर पुनर्वास नगरपालिका–६ आबिआरडी बजारमा रहेको पुनर्वास न्यु सम्राट रेष्टुरेन्टमा आगलागी भएको हो ।
बिहान ६ बजे विद्युत सर्ट भएर रेष्टुरेन्टको सेमिनार हलमा आगलागी भएको रेष्टुरेन्टका सञ्चालक सञ्जु गुरुङले जानकारी दिए । आगलागीबाट रेष्टुरेन्टमा रहेका कुर्सी, टेबल, इन्भटर लगायतका सामग्री जलेर नष्ट भएका छन् । स्थानीय बासिन्दाको सहयोगमा आगो नियन्त्रणमा लिइएको छ ।