अज्ञात समूहको गोली लागी एक घाइते

२९ असार, विराटनगर-विराटनगरको मुनाल पथमा बिहीबार बिहान अज्ञात व्यक्तिले चलाएको गोली लागेर एक महिला घाइते भएकी छन् । उदयपुर बेलटार घर भई उपचारका लागि विराटनगर आएकी ४७ वर्षीया टिनादेवी बिष्टलाई अज्ञात समूहले बिहान ५ बजे गोली प्रहार गरेको हो ।

उनको घुँडामा गोली लागेको र उनी अवस्था सामान्य रहेको छ ।सामान्य अवस्थामा रहेकी महिला अहिले विराटनगरस्थित बिराटन नर्सिङ होममा उपचार भइरहेको छ ।

मोटरसाइकलमा आएका दुई व्यक्तिले गोली प्रहार गरेको र उनको साथवाट नगद ११ हजारसमेत लुटेर लगेको घाइते बिष्टले जानकारी दिइन् । यसबारे थप अनुसन्धान भइरहेको मोरङ प्रहरीले जानकारी दिए ।