घर भत्किदा डोटीमा एकको मृत्यु,छ जना घाईते

​२७ असार, डोटी – डोटीको आदर्श गाउँपालिका–६ गिरीचौकामा घर भत्किदा एक जनाको ज्यान गएको छ भने छ जना घाईते भएका छन । पाँच दिन देखी लगातार परेको वर्षाका कारण घर भत्किदा स्थानीय प्रताप अधिकारीको मृत्यु भएको जिल्ला प्रहरी कार्यालय डोटीले जनाएको छ ।

सोमबार राती १२ बजेको समयमा अधिकारीको पक्की घर भत्किदा घर भित्र रहेका अन्य ६ जना घाईते भएका हुन । घाइतेहरुको उद्धार गरिएको जिल्ला प्रहरी कार्यालय डोटीका प्रमुख प्रहरी उपरिक्षक दिल्लीराज विष्टले जानकारी दिए । डोटीमा लगातार परिरहेको वर्षाका कारण ग्रामिण भेगमा ठाउँ–ठाउँमा पहिरो गएको छ । पहिरोका कारण ग्रामिण सडक अवरुद्ध हुँदा यातायात सेवा बन्द छ ।