निर्वाचनमा अहिलेसम्म ३०४ तहको नतिजा सार्वजनिक

२१ असार, काठमाडौं – स्थानीय तह दोस्रो चरणको निर्वाचनमा अहिलेसम्म ३०४ तहको नतिजा सार्वजनिक भएको छ । अहिले बिहानसम्मको अन्तिम मतपरिणामअनुसार ३०४ तहको नतिजा सार्वजनिक भएको हो । नेकपा एमालेले अहिलेसम्म १३२ तहमा विजय हासिल गरेको छ भने नेपाली कांग्रेसले अहिलेसम्म जम्मा ११६ तहमा विजय हासिल गरेको छ ।
माओवादी केन्द्र ३६, संघीय समाजवादी फोरम नेपाल ६, नेपाल लोकतान्त्रिक पार्टी ६, राप्रपा ४, राष्ट्रिय जनमोर्चा २ र स्वतन्त्र २ निर्वाचित भएका छन् । ३३४ तहका लागि भएको निर्वाचनमा बाँकी तहको मतपरिणाम सार्वजनिक हुन बाँकी नै छ ।