४५ किलो अवैध लागुऔषध चरेश सहित ४ जना पक्राउ

१८ असार, बारा – प्रहरीले बाराको सिमरा उपमहानगरपालीका ३ बजनीबाट ४५ किलो अवैध लागुऔषध चरेश सहित ४ जनालाई पक्राउ गरेको छ ।

गएराति ४५ किलो चरेश सहित मकवानपुर कैलाश गाँउपालीका ७ का चन्द्रबहादुर सिङ, सोही ठाँउका सम्बुमाईला चेपाङ,ज्ञान कुमार चेपाङ र राज चेपाङलाई पक्राउ गरिएको जिल्ला प्रहरी कार्यालय बाराले जनाएको छ ।

मकवानपुरबाट चरेश ट्रकमा लुकाएर भारततर्फ लैजादै गरेका बेला उनीहरुलाई नियन्त्रणमा लिएको प्रहरीले जनाएको छ । पक्राउ परेका चारैजनालाई थुनामा राखि अनुसन्धान अघि बढाएको जिल्ला प्रहरी कार्यालय बाराले जनाएको छ ।