गुल्मीका ३ वडामा अध्यक्ष निर्वाचित दुई स्थानमा एमाले, एक स्थानमा कांग्रेस

१५ असार, गुल्मी – स्थानीय तह निर्वाचन अन्तर्गत गुल्मीमा ३ वटा वडाको मतपरिणाम आएको छ। गुल्मी दरबार गाउँपालिका १ को वडा अध्यक्षमा एमालेका रामबहादुर पल्ली निर्वाचित भएका छन्।

पल्लीले ७ सय ६६ मत ल्याएका छन् भने उनका निकटतम प्रतिस्पर्धी नेपाली कांग्रेसका प्रेम पुनले ६ सय ५८ मत ल्याएर पराजित भए। सोही गाउँपालिकाको ७ मा नेपाली कांग्रेसका टोपबहादुर बस्नेत वडा अध्यक्षमा निर्वाचित भएका छन्।

उनले ८ सय ३० मत ल्याएका थिए भने उनका प्रतिस्पर्धी एमालेका खुमलाल अर्यालले ४ सय ४४ मत ल्याएर पराजित भएका थिए। यस्तै रुरु गाउँपालिकाको १ मा नेकपा एमालेका रामलाल विश्वकर्मा वडा अध्यक्षमा निर्वाचित भएका छन्।