छुट्टाछुट्टै स्थानमा दुई जना मृत फेला

१२ असार, मोरङ – मोरङका दुई छुट्टाछुट्टै स्थानमा गएराति दुई जना मृत फेला परेका छन्। रङ्गेली नगरपालिका–९ वनकोलस्थित रंगेली–दोहमना भित्री सडक किनारमा आइतबार राति स्थानीय ६० वर्षीय पहाडचन राजवंशी मृत अवस्थामा फेला परेका हुन्। अनुहार र घाँटीमा चोट देखिएका उनलाई स्थानीयले मृत अवस्थामा भेटेपछि प्रहरीलाई खबर गरेका थिए। घटनाका विषयमा अनुसन्धान सुरु गरिएको इप्रका रंगेलीका प्रहरीले जानकारी दिए। यस्तै गएराति नै मोरङको बेलबारी नगरपालिका–१० भाउन्ने जंगललमा पहिचान नखुलेकी अन्दाजी २२ वर्षीया एक महिला मृत अवस्थामा भेटिएकी छिन्। घटनास्थलमा इलाका प्रहरी कार्यालय बेलबारीबाट प्रहरीको टोली खटी अनुसन्धान सुरु गरेको छ।