ट्रक दुर्घटना हुँदा तीनको मृत्यु

९ असार, धादिङ – पृथ्वी राजमार्ग अन्तरगत जोगिमाराको हुग्दी खोलामा शुक्रबार बिहान ट्रक दुर्घटना हुँदा तीन जनाको ज्यान गएको छ ।
काठमाडौंबाट चितवनतर्फ जाँदै गरेको ना ६ ख ३१२३ नम्बरको ट्रक हुग्दी खोलामा दुर्घटना भएको इलाका प्रहरी कार्यालय गजुरीले जनाएको छ। दुर्घटनामा ट्रक चालक बारा जिल्ला गढीमाई निवासी नरबहादुर खत्री, सहचालक जीवन लामा र ट्रकमा सवार एक यात्रु संजू राइको ज्यान गएको हो । अत्याधिक गतीमा गुडेको ट्रक सडकबाट खोलामा खसेर दुर्घटना भएको प्रहरीले जनाएको छ ।