पाकिस्तानले जित्दा उत्सव मनाउने १५ भारतीय युवा पक्राउ

७ असार – च्याम्पियन्स ट्रफि क्रिकेटको उपाधि पाकिस्तानले जितेपछि उसको पक्षमा नाराबाजी गरेका १५ जना भारतमा पक्राउ परेका छन् । भारतको मध्यप्रदेशमा पाकिस्तानको पक्ष तथा भारतको विपक्षमा नाराबाजी गरेको भन्दै मुस्लिम समुदायका १५ जनालाई पक्राउ गरिएको बिबिसीले जनाएको छ । उनीहरुमाथि देश द्रोहको मुद्दा चलाइएको छ ।

पाकिस्तानको पक्षमा नारावाजी गरेकोमा पक्राउ परेको यो पहिलो घटना भने होइन । यसअघि पनि सन् २०१४ मा ६६ जना मुस्लिम विद्यार्थी पक्राउ परेका थिए ।