दुई नम्बर प्रदेशको चुनावको मिति सारिएपछि सप्तरीबासी निराश

२ असार, सप्तरी – दुई नम्बर प्रदेशको चुनावको मिति सारिएपछि स्थानीय राजनीतिक दलका नेताहरुले मिश्रित प्रतिक्रिया दिएका छन् । यी प्रदेशको पूर्वी जिल्ला सप्तरी र सिराहाका सत्तासीन राजनीतिक दलका नेताहरुले समेत चुनाव सारिनु ठीक नभएको प्रतिक्रिया दिएका छन् ।

केही नेताहरुले वर्तमान स्थितिको आंकलन गर्दै चुनाव सारिएकाले अब समस्याको समाधान पनि हुने विश्वास व्यक्त गरेका छन् । यद्यपि प्रमुख प्रतिपक्षी र चुनावको अन्तिम तयारी गरिसकेको संघीय समाजवादी फोरम नेपालका नेताहरुले चुनाव सार्नुलाई सरकारको निरिहता भनेका छन् । यसले सरकारको चुनाव गराउने मनस्थिति नदेखिएको उनीहरुको प्रतिकृया छ ।