४० भन्दाबढी गाउँमा विद्युत सेवा बन्द

२१ जेठ, रसुवा – उत्तरी रसुवाका ४० भन्दाबढी गाउँमा टासफर्मर क्षमता नपुगेका कारण  विद्युत सेवा बन्द भएको छ ।

टासफर्मरहरुको क्षमता बढाउने काम अगाडि बढाइएकाले गोसाइँकुण्ड र पार्वती गाउँपालिका पूरै र कालिकाको वडा नंं १ मा शनिबारदेखि विद्युत आपूर्ति बन्द भएको नेपाल विद्युत प्राधिकरण रसुवाका प्रमुख शोभितबहादुर क्षेत्रीले जानकारी दिए ।

विद्युत सेवा सुचारु गर्न टासफर्मर जडान गर्ने कार्य शनिबार बिहानैदेखि सुरु भएको र एक÷दुई दिनमा विद्युत् सेवा सुचारु हुने उनले जानकारी दिए ।

विद्युत सेवा अवरुद्ध हुँदा चार हजार ४०० घरपरिवारलाई असुविधा पुगेको प्राधिरकणले जनाएको छ । सदरमुकाम धुन्चे, राम्चे, ब्रिदिम, स्याफ्रु, टिमुरे, हाकु, गोल्जुङ, गत्लाङ, चिलिमेलगायतका सम्पूर्ण भू–भाग अन्धकार भएको छ ।