९ ग्राम ५०० मिलिग्राम खैरो हेरोइनसहित भारतीय नागरिक पक्राउ

१८ जेठ, दमक – खैरो हेरोइनसहित काँकडभिट्टाबाट एक भारतीय नागरिक पक्राउ परेका छन्। ९ ग्राम ५०० मिलिग्राम खैरो हेरोइनसहित पश्चिम बंगाल दिनाजपुर घर भई हाल मेचीनगर ६ बस्ने २४ वर्षीय अजय सिंहलाई पक्राउ गरेको जिल्ला प्रहरी कार्यालयले जनाएको छ। डब्लु बी ७४ यु ६३४८ नम्बरको मोटरसाइकलमा उक्त परिणामको खैरो हेरोइन लुकाएर ल्याउँदै गर्दा बुधबार साँझ सिंहलाई पक्राउ गरेको प्रहरीले जनाएको छ। सिंहलाई इलाका प्रहरी कार्यालय काँकडभिट्टामा राखेर थप अनुसन्धान गरिरहेको जिल्ला प्रहरी कार्यालयले जनाएको छ ।