बस र ट्रिपर एकआपसमा ठोक्किँदा दुईजनाको मृत्यु

१७ जेठ, मकवानपुर – मकवानपुरको मनहरि गाउँपालिका वडा नम्बर ६ मा बस र ट्रिपर एकआपसमा ठोक्किँदा दुईजनाको ज्यान गएको छ भने ११ जना घाइते भएका छन् ।

काठमाडौंबाट झापाका लागि छुटेको ना ५ ख ६१२३ नम्बरको बस र हेटौंडाबाट चितवनतर्फ छुटेको ना ४ ख ८३ नम्बरको ट्रिपर ठोक्किएको हो । दुर्घटनामा ज्यान गुमाउने दुवै जना र घाइतेहरु बसका यात्रु रहेका प्रहरीले जनाएको छ ।

संखुवासभाका २९ वर्षका केशबहादुर लामा र भारत कमैयाका ३० वर्षका मोहम्मद सलाउद्दिनको ज्यान गएको छ । घाइते ११ जनाको भरतपुर अस्पतालमा उपचार भइरहेको  प्रहरीले जनाएको छ ।