धादिङमा बस दुर्घटनामा तीनजनाको मृत्यु, २९ घाइते

१५ जेठ,धादिङ – धादिङको निलकण्ठ नगरपालिका–११ भकारे खोलामा हिजो भएको बस दुर्घटनामा तीनजनाको ज्यान गएको छ ।
दुर्घटनामा ज्यान जानेहरुमा त्रिपुरासुन्दरी–७ कि ६० वर्षिया पूर्णदेवी पाण्डे र ६५ वर्षिया फूलमाया तामाङ तथा आगिन्चोककी ४० वर्षिया लक्ष्मी सिंखडाको ज्यान गएको धादिङ प्रहरीले जनाएको छ । घाइतेमध्ये २४ जनाको काठमाडौंमा र ५ जनाको जिल्ला अस्पताल धादिङमा उपचार भइरहेको छ ।

त्रिपुरेश्वर बोर्डिङ स्कुलको ग १ ख ३८०५ नम्बरको बस सडकबाट २ सय मिटर तल खसेर दुर्घटना भएको हो । धादिङबेसीबाट खहरेतिर जाने नियमित रुटको गाडी बिग्रेपछि बोर्डिङ स्कुलको बसलाई बोलाएर यात्रु चढाइएको थियो ।