Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

भरतपुरको मतगणनास्थलमा तनाव, माओवादीले मतपत्र च्यातेपछि

Monday, May 29, 2017 National Power

१५ जेठ, चितवन – माओवादी प्रतिनिधिले मध्यरातमा मतपत्र च्यातिदिएपछि भरतपुर महानगरपालिकाको मतगणनास्थलमा तनाव सिर्जना भएको छ र अहिले मतगणना रोकिएको छ ।वडा नम्बर १९ को मतगणना भइरहेका बेला माओवादी प्रतिनिधीले मतपत्र च्यातेपछि मतगणना रोकिएको हो । वडा नम्बर २१ को मतगणना सकिएपछि १९ र २० को गरेर ६ हजार १ सय ६२ मत गन्न बाँकी थियो । त्यसबेला एमालेका मेयरका उम्मेदवार देवी ज्ञवाली माओवादी केन्द्र र कांग्रेस गठबन्धनकी रेणु दाहाल भन्दा ७ सय ८४ मतले अघि थिए।

त्यसपछि वडा नम्बर १९ को मत गन्न सुरु गरिएको थियो । वडा नम्बर १९ को २८ सय ६० मत खसेकोमा १८ सय ९ मत गनेर मतपरिणाम अपडेट गर्दा ज्ञवालीको ४१ हजार ६ सय ४१ र दाहालको ४० हजार ९ सय ८ मत आएको थियो । यसबेलासम्म ज्ञवालीको अग्रता ७ सय ३३ देखियो । माओवादीले वडा नम्बर १९ मा ज्ञवालीसँगको मत अन्तर अझै कम हुने अपेक्षा गरेकामा त्यो नभएपछि मतगणनामा अवरोध गरेको एमालेका नेताले आरोप लगाएका छन् । मतपरिणाम अपडेटपछि फेरि गन्न सुरु गरेलगतै माओवादीका प्रतिनिधिले मतपत्र च्यातेको एमालेका मेयरका उम्मेद्वार ज्ञवालीले आरोप लगाए ।

मतपत्र च्यातेको आरोपमा प्रहरीले माओवादीका प्रतिनिधि मधु न्यौपाने र द्रोण शिवाकोटीलाई पक्राउ गरेको छ । यस्तै मतगणना स्थल बाहिर होहल्ला गरेको आरोपमा एमाले कार्यकर्ता गंगा लामा पक्राउ परेका छन् । स्थिति नियन्त्रणमा लिन प्रहरीले लाठीचार्ज समेत गरेको छ ।