Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

दर्जन भन्दा बढी शिक्षकहरुले राजीनामा दिएर चुनामी मैदानमा

Sunday, May 28, 2017 National Power

१४ जेठ, गुल्मी – दोश्रो चरणमा हुन लागेको स्थानीय तहको चुनावको मिति नजिकिँदै गर्दा गुल्मी जिल्लामा दर्जन भन्दा बढी शिक्षकहरुले राजीनामा दिएर चुनामी मैदानमा उत्रेका छन् । स्थानीय तहमा आफूले जित्न सक्ने बलियो आधार देखेपछि उनीहरु यसरी राजीनामा गरेर पार्टिको तर्फवाट उमेदवारी दिन लागेका हुन् ।

यसरी राजीनामा गरेर उमेदवारी दिने शिक्षक मध्ये धेरै शिक्षक नगरपालिका र गाउँपालिकाको वडा अध्यक्षमा उमेदवारी दिने तयारीमा छन् । जनप्रिय प्राथमिक विद्यालय बलेटक्सारकी लक्ष्मी पन्थ रुरु गाउँपालिकाको उपप्रमुखमा उमेदवारी दिने तयारीमा जुट्ने भएका छन भने अन्य सबै शिक्षकहरु वडा अध्यक्षमा उम्मेदवारी दर्ता गर्ने तयारीमा छन । राजीनामा गरेर चुनावी प्रतिस्पर्धामा उत्रिएका शिक्षकहरुमा भाडगाउँ माध्यमिक विद्यालय अर्खलेका शिक्षक थम्मनबहादुर केसी, सीतापुर मावि अर्लाङ्गकोटका गिरीराज खरेल र नरेशराज खरेल, भगवती प्रावि बडागाउँका झविलाल भण्डारी, राष्ट्रिय मावि थोर्गाका शेष नारायण पौडेल, कोरेङ् निमावि खड्गकोटका कविराज ढकाल, उदय मावि शान्तिपुरका गोकर्ण प्रसाद शर्मा र रियाले मावि सिर्सेनीका नारायण घर्ति रहका छन ।

स्थानीय तहको चुनावमा उम्मेदवारी दिनका लागि सामुदायिक विद्यालयहरुका अतिरिक्त अन्य संस्थागत विद्यालयहरुका कतिपय प्रधानाध्यापक र शिक्षकले समेत राजीनामा गरेर चुनामी मैदानमा उत्रेका छन् ।  जिल्लामा चुनावी रौनक बढ्दै जान थालेपछि यतिवेला दलहरु उमेदवार छनौटमा व्यस्त बनेका छन् । उनीहरुले नगरपालिका तथा गाउँपालीकाका वडाहरुमा धमाधम उम्मेद्वारहरुको नाम घोषणा गर्न थालेका छन् । राजीनामा गरेर चुनामी मैदानमा उत्रेका अधिकांस शिक्षकहरुले स्थानीय स्तरमा आफ्नो पकड बलियो रहेका कारण जित सुनिश्चित हुने दाबी समेत गरेका छन् ।