गोमा एयरको विमान दुर्घटना

१३ जेठ, काठमाडौं  – सोलुखुम्बुको लुक्ला विमानस्थलमा गोमा एयरको विमान दुर्घटना भएको छ। विमान लुक्ला विमानस्थलको रनवेबाट केही बाहिर गई दुर्घटना भएको प्रहरीले जानकारी दिए। गोमा एअरको L410 सेरिजको 9NAK कल साइन भएको विमान ल्यान्डिङका क्रममा दुर्घटनामा परेको हो। अधिकारीका अनुसार एअर होस्टेसलाई उद्दार गरी उपचारका लागि अस्पताल लगिएको छ भने क्याप्टेनसहित दुईजनाको उद्दार भैरहेको छ। विमानमा अन्य यात्रु नभएको अधिकारीले बताए। गोमा एअरको कार्गो विमान मौसम खराबीका कारण दुर्घटना भएको अनुमान गरिएको छ।