पोखरा लेखनाथ मनपाको मेयरमा नेकपा एमालेका उमेद्वार  जिसी विजयी

१२ जेठ, कास्की – पोखरा लेखनाथ महानगरपालिकाको मतगणना सकिएको छ । पोखरा लेखनाथ महानगरपालिकाको मेयरमा नेकपा एमालेका उमेद्वार मानबहादुर जिसीले ६० हजार १ सय १८ मत ल्याएर विजयी भएका छन । उनले नेपाली कांग्रेसका उम्मेद्वार रामजी कुँबरलाई १३ हजार ७ सय २ मतले पछाडी पार्दै विजयी भएका हुन ।कांग्रेसका मेयर पदका उम्मेद्वार रामजी कुँवरले ४६ हजार ४ सय १६ मत ल्याउनु भएको छ ।

त्यसैगरी उपमेयरमा एमालेकै मञ्जुदेवी गुरुङ ५६ हजार ४ सय ४८ मत ल्याएर निर्वाचित भइन । उपमेयरका उम्मेद्वार सरस्वती गुरुङले ४४ हजार ३ सय ३८मत प्राप्त गरिन । ३३ वडा रहेको पोखरा लेखनाथ महानगरपालिकामा वडा तर्फको नतिजामा पनि एमाले नै अगाडी रहेको छ । पोखरामा २२ वटा वडा एमालेले जितेको छ भने ११ वडा नेपाली कांग्रेसले जितेको छ ।