शिक्षकसँग घुस लिंदै गरेका चारजना पक्राउ

४ जेठ, सर्लाही – सर्लाहीबाट शिक्षकसँग चार लाख रुपैयाँ घुस लिंदै गरेको अवस्थामा आज बिहान चारजनालाई अख्तियार दुरुपयोग अनुसन्धान आयोगको टोलीले पक्राउ गरेको छ । महोत्तरीको बर्दिबासमा रहेको अख्तियार दुरुपयोग अनुसन्धान आयोगको टोलीले बिहान घुस लिंदै गरेको अवस्थामा उनीहरुलाई पक्राउ गरेको हो ।

जिल्ला शिक्षा कार्यालय सर्लाहीका उप जिशिअ रामहरि रिजाल र वासुदेव तिमल्सिना तथा जनज्योति उच्चमावि लालबन्दीका प्रधानाध्यापक विष्णुबहादुर पोखरेल र व्यवस्थापन समितिका अध्यक्ष इन्द्रप्रसाद न्यौपाने घुस सहित पक्राउ परेका अख्तियार टोलीले जनाएको छ ।