मुगुका दुई वटा मतदान केन्द्रमा मतदान सकियो

३१ बैशाख, मुगु – मुगुका दुई वटा मतदान केन्द्रमा मतदान सकिएको छ । सोरुकोट गाउँपालिका– ३ नम्बर वडामा रहेको भामगाउँ मतदान केन्द्र र छायाँनाथ रारा नगरपालिका–९ वडामा रहेको नेपाल राष्ट्रिय मावि मतदान केन्द्रमा मतदान सकिएको छ ।
भामगाउँ मतदान केन्द्रमा रहेका दुईसय ९३ मतदाता मध्ये दुईसय ५० जनाले मतदान गरेको मतदान अधिकृत प्रेम प्रकाश केसीले जानकारी दिए । नेपाल राष्ट्रिय मावि मतदान केन्द्रमा एकसय ६४ मत मध्ये एकसय ३५ मत खसेको छ ।