३४ वटै जिल्लामा निर्धारित समयमा मतदान शुरु, उत्साहित मतदाताहरू

३१ बैशाख, काठमाण्डौ – स्थानीय सरकारका प्रतिनिधि छान्न तीन प्रदेशका ३४ वटै जिल्लामा मतदान शुरु भएको छ । ३१ बैशाख विहान ७ बजेदेखि नै मतदान शुरु भएको निर्वाचन आयोगले जनाएको छ । २० वर्षपछि हुन गईरहेको स्थानीय निर्वाचनका लागि मतदाताहरू सात बज्नु अगावै मतदान केन्द्रमा पुगेर लाईन लागि सकेका थिए । प्रदेश नं ३, ४ र ६ अन्तर्गतका ३४ जिल्लाका २८३ स्थानीय तहमा निर्वाचन भईरहेको छ । चार महानगरपालिका, एक उपमहानगरपालिका, ९२ नगरपालिका प्रमुख उपप्रमुख तथा १८६ गाउँपालिकाका अध्यक्ष तथा उपाध्यक्षका लागि हुँदैछ । मतदाताहरुले ४९ हजार ३३७ उम्मेदवार मध्ये १३ हजार ५५६ लाई निर्वाचित गरेर पठाउँदैछन् ।