नुहाउने क्रममा तीन किशोर बेपत्ता

३१ बैशाख, कञ्चनपुर – महाकाली नदीमा बगेर तीन किशोर बेपत्ता भएका छन् ।
महाकाली नदीमा नुहाउने क्रममा कञ्चनपुरको भीमदत्तनगरपालिका–१४ बनकट्टीका १६ वर्षीय कपिल खाती, १६ वर्षीय दिपेश कुँवर र बनकट्टीकै १५ वर्षीय राहुल उपाध्याय बेपत्ता भएका इलाका प्रहरी कार्यालय, दोधारा चाँदनीले जानकारी दिएको छ । तीनैजना दोधारा चाँदनी झोलुङ्गे पुलभन्दा करिब पाँच सय मिटर दक्षिणतर्फबाट नदीमा बगेर बेपत्ता भएका थिए । उनीहरूको खोजीमा नेपाली सेना, सशस्त्र प्रहरी, नेपाल प्रहरी र स्थानीयवासी जुटेका छन् ।