उम्मेद्वारका छोरासहित दुई जनालाई हतियारसहित पक्राउ

२९ बैशाख, नुवाकोट – नेकपा मोआवादी केन्द्रको तर्फबाट तार्केश्वर गाउँपालिकाको उपाध्यक्षका लागि प्रत्यासी कमलाकुमारी तामाङको छोरासहित दुई जनालाई प्रहरीले घरेलु हतियारसहित पक्राउ गरेको छ ।

माओवादी केन्द्रबाट उपाध्यक्षका उम्मेद्वार तामाङको छोरा शमशेर तामाङ र सहयोगी राजेन्द्र तामाङलाई एक वटा खुकुरी र तीन वटा फलामको रडसहित सशस्त्र प्रहरीले नियन्त्रणमा लिएको जिल्ला प्रहरीले जनाएको छ।

तामाङ प्रचार अभियान पछि घर फकर्दै गरेको बेला नेपाली कांग्रेसका कार्यकर्तालाई हतियार देखाउँदै धम्क्याएकाले पक्राउ परेका हुन । पक्राउपछि अनुसन्धान सुरु गरेको प्रहरीले जनाएको छ ।