Tuesday 15th July 2025

    “बज्र इको क्लब”लाई अष्ट्रेलियाबाट 'वातावरण संरक्षण पुरस्कार' प्रदान    डिबी र सुनिताले ल्याए रोमान्टिक गीत ‘म त गाउँले ठिटो’    ‘मिस एण्ड मिसेस गुरुङ २०८२’को खोजी सुरु, असार २६ मा पहिलो अडिसन    १५ सदस्यीय कार्यसमिति चयन गर्दै राष्ट्रिय श्रष्टा तथा प्रस्तोता प्रतिष्ठानको दोस्रो वार्षिक साधारणसभा सम्पन्न    Nepal's First Largest International Level Inclusive Music Award.

आचारसंहिता विपरीत निजी विचार सम्प्रेषण नगर्न/नगराउन आग्रह

Friday, May 12, 2017 National Power

२९ बैशाख, काठमाडौं – प्रेस काउन्सिल नेपालले कुनै दल वा उमेदवारलाई होच्याएर वा गुणगान गाएर सामाजिक सञ्जालमार्फत् आफ्ना निजी विचार सम्प्रेषण नगर्न/नगराउन सम्पूर्ण पत्रकारलाई आग्रह गरेको छ ।

“पत्रकार र निर्वाचन आचारसंहिताको ख्याल गर्दै आआफ्नो मिडियाबाट स्वतन्त्र भूमिका खेल्न र कुनै दल वा उमेदवारलाई होच्याएर वा गुणगान गाएर सामाजिक सञ्जालमार्फत् आफ्ना निजी विचारहरु सम्प्रेषण नगर्न/नगराउन हुन हामी सम्पूर्ण पत्रकार मित्रहरूमा विनम्र अनुरोध गर्दछौँ”,काउन्सिलका सहप्रशासकीय अधिकृत तथा सूचना अधिकृत दीपक खनालद्वारा बिहीबार जारी विज्ञप्तिमा भनिएको छ ।

सङ्घीय नेपालको इतिहासमा पहिलो चोटि यही वैशाख ३१ गते ३, ४ र ६ नं.प्रदेशमा हुने स्थानीय तहको निर्वाचनको दिन जति नजिकिँदैछ, त्यति नै पत्रकार तथा निर्वाचन आचारसंहिता विपरीतका घटनाक्रम बढ्दै गएको देखिएको काउन्सिलको भनाइ छ ।

“कतिपय पत्रकार आफ्नो पेसागत मर्यादा भुलेर सामाजिक सञ्जाल (फेसबुक आदि) मार्फत यो वा त्यो पार्टी तथा पार्टीको उम्मेद्वारको प्रचारमा लागेको, मत मागेको, लाइक वा कमेन्ट वा सेयर गरेको, मिथ्याङ्कपूर्ण सामग्री ‘अपलोड’ गरेको पाइएको छ” विज्ञप्तिमा भनिएको छ । काउन्सिलले आजराति १२ बजेदेखि सुरु हुने मौन अवधिमा सम्पूर्ण पत्रकार र आमसञ्चारमाध्यमलाई पत्रकार र निर्वाचन आचारसंहिता पालानामा ध्यान दिन अनुरोध गरेको छ ।