Tuesday 21st September 2021

    ‘अनलाइन एक्टिङ कम्पिटिसन’ को विजेता बने मनिष पाण्डे    रोमन परियार र रिया नापितलाई ‘मिस्टर एण्ड मिस ग्ल्यामर’को ताज    गायक सुनिल थापा मगरको मर्मस्पर्शी गीत 'निर हो' सार्वजनिक    ‘मिस्टर एण्ड मिस टिन ग्ल्याम नेपाल २०२१’ को उपाधी सुमन तामाङ र निर्जला रजकले जिते    चिज कुमार श्रेष्ठको अभिनयमा जे बि बिष्टको सन्देशमुलक गीत सार्वजनिक

पोखरामा अपरिचित समूहको पेट्रोल बम प्रहार

Thursday, May 11, 2017 National Power

२८ बैशाख, पोखरा – पोखरा लेखनाथ महानगरपालिकाको मध्यभागमा पर्ने बिजयपुर खोलाको पुलमा आज दिउँसो अपरिचित समूहले पेट्रोल बम प्रहार गरेको छ । कांग्रेसको चुनावी प्रचारका लागि पोखराबाट लेखनाथतर्फ गइरहेको बा ३ ख १४८३ नम्बरको जीपलाई लक्षित गरेर बम प्रहार भएको हो ।

अपराहृन करीब ३ बजे भएको घटनामा कुनै क्षति नभएको जिल्ला प्रहरी कार्यालय कास्कीले जनाएको छ । बम प्रहार भएपनि गाडी अगाडि बढिसकेकाले क्षति नभएको र बम प्रहारको घटनापश्चात प्रहरीले सुरक्षा ब्यवस्था कडा बनाएको छ । बम प्रहार गर्नेको खोजी तिव्र पारेको प्रहरीले जनाएको छ ।

घटना विप्लव माओवादीले गरेको हुनसक्ने प्रहरीको अनुमान छ । यद्यपी अहिलेसम्म कोहि पनि पक्राउ नगरिएकाले यसै भन्न नसकिने प्रहरीले बताए । यसअघि पनि विजयपुर खोलाको पुलमा शंकास्पद बस्तु भेटिएको थियो ।