ट्रयाक्टर र मोटरसाइकल एकआपसमा ठोक्किँदा दुईजनाको मृत्यु

२७ बैशाख, रौतहट  – ट्रयाक्टर र मोटरसाइकल एक आपसमा ठोक्किँदा रौतहटमा दुईजनाको ज्यान गएको छ । रौतहटको दुर्गा भगवती गाउँपालिका–७ राजपुर तुलसीमा मंगलबार बेलुका ना ३ त ३६५० नम्बरको ट्रयाक्टर र अन टेस्ट मोटरसाइकल ठोक्किएर दुर्घटना भएको हो ।

दुर्घटनामा मोटरसायकल चालक चन्द्रपुर नगरपालिका–९ का ४५ वर्षका राजेश राम र मोटरसाइकलको पछाडी बसेका चन्द्रपुर नगरपालिका–११ का ६० वर्षका बैजु रामको ज्यान गएको प्रहरीले जनाएको छ ।