प्रमुख तिन दल र संघीय गठबन्धनको बैठक सुरु

२६ बैशाख, काठमाडौं – प्रमुख तिन दल र संघीय गठबन्धनको बैठक बालुवाटारमा सुरु भएको छ । संघीय गठवन्धनले संविधान संशोधन नभए आन्दोलन गर्ने चेतावनी दिएपछि प्रधानमन्त्री पुष्पकमल दाहाल (प्रचण्ड)ले बैठक बोलाएका हुन् ।

बैठकमा नेपाली कांग्रेस, नेकपा एमाले र नेकपा माओवादी केन्द्रका साथै संघीय गठवन्धनका नेताहरु सहभागी रहेका छन् । प्रमुख विपक्षी एमालेबाट उपाध्यक्ष बामदेव गौतम र संसदीय दलका उपनेता सुवास नेम्वाङ सहभागी छन् ।

बैठकमा संविधान संशोधन सम्बन्धीका विषयमा छलफल भइरहेको नेताहरुले बताएका छन् ।