प्रचण्ड नेतृत्वको सरकारमा सहभागी, गच्छदारले आजै सपथ ग्रहण गर्ने

२५ बैशाख, काठमाण्डौँ – नेपाल लोकतान्त्रिक फोरम पुष्पकमल दाहाल नेतृत्वको सरकारमा सहभागी हुने भएको छ ।

नेपाल लोकतान्त्रिक फोरम अध्यक्ष विजयकुमार गच्छदारको नेतृत्वमा तीन मन्त्रालय सहित सरकारमा सहभागी हुने नेता रामजनम चौधरीले जानकारी दिए । गच्छदारले उपप्रधानमन्त्रीका साथै स्थानीय विकास मन्त्रालय सम्हाल्ने र भूमिसुधार तथा पर्यटन मन्त्रालय पनि फोरम लोकतान्त्रिकले पाउने भएको छ । गच्छदारले आजै सपथ ग्रहण गर्नेछन् । अन्य मन्त्रीको टुङ्गो लाग्न बाँकी रहेको चौधरीले जानकारी दिए ।