संसद बैठक आगामी जेठ ४ गते सम्मका लागि स्थगित

२४ बैशाख, काठमाडौं – व्यवस्थापिका संसदको बैठक स्थगित भएको छ। आइतबार दिउँसो १ बजेका लागि बोलाइएको संसद बैठक सूचना टाँस गरी स्थगित गरिएको हो।

संसद सचिवालयले सूचना टाँस गरी संसद बैठक जेठ ४ गते सम्मका लागि स्थगित गरेको हो। यसैबीच, सभामुख ओनसरी घर्ती मगरले विशेष पत्रकार सम्मेलनको आयोजना गर्नु भएको छ। नयाँ बानेश्वरस्थित संसद भवन शंकर हलमा पत्रकार सम्मेलन दिउँसो साढे १२ बजेका लागि तय गरिएको सभामुखका सञ्चार सल्लाहकार वविन शर्माले जानकारी दिए।